飯腳
10 十二月, 2015
男朋友係我最長既飯腳
同我一齊晚飯接近三年
三年裡面我地食連鎖快餐或者茶餐廳居多
價格略相宜 味精較少 味道穩定
通常我地一人一碟 我次次都叫自己最鐘意食果樣
而佢就會根據我碟飯既份量 調整佢碟飯既內容
例子:我叫碟鐵板牛排 佢肯定叫個粉麵 原因係佢認為我食到一半就飽 佢就要兼顧埋果半份牛排再加個粉麵 咁佢又的確估中 我眼闊肚窄
佢食第一啖之前都會問我試唔試下
我大概一半一半機會會食
食飯既話題大部分時間都係我發言 佢附和 我會講我既所見所聞 所思所想 佢大部分情況下都冇意見 冇表示 我估佢主要係提供個時間段俾我去講說話 我好喜歡我倆不是八卦講是非對人不對事那類
我地話題不常是相互認同 各自都有自己的堅持但為了得到對方的絕對同意而爭吵卻非常少 通常轉眼間就過氣 繼續聊其他
佢戒糖 純粹為健康 奶茶咖啡全走甜
要是我不能照顧他以後的日子 誰誰誰也許跟他會產生不一樣的生活習慣 細節等