學習獨處

四月 24, 2017

家庭主婦 和 職業女士 分別就是 我有非常多一個人安靜在四堵牆內

沒有話聲(不愛自言自語)不愛看電視 不愛聽音樂

為了能睡更久睡更好 我盡力常做瑜珈 消耗體力 每天吃飽就做下plank, squat等

在家那麼長時間 我獨自一人看完的電影不超過5套

也沒看完完整的一本書 沒學會一種語言 沒長胖一公斤 這樣就一年了

 

廣告

紙婚

四月 11, 2017

係我未結婚前 我從未期待結婚紀念日應該如何如何 尤其是其實我對婚姻充滿不確定 結婚多難 要拍拖要見家長要計算時間註冊要籌備餐飲招呼親朋好友要找地方住

離婚呢 一個人覺得不再相愛了 就可以了結兩群人的關係

我們的結婚紀念日剛好是佢的生日(故意的 可以省略一份禮物)生日大過天 果日我地在家煮了個大蝦牛扒食 好似係 我完全冇了記憶…冇蛋糕 冇蠟燭 好似係 在家睇了套戲?唔記得…我唯一有印象 係3日後我細妹生日我地全家7個人在家熱熱鬧鬧慶祝 又食又喝 媽媽煮煮煮 爸爸喝了兩口自家製梅酒就大大聲吹水 每個人嘴巴有飯菜卻依舊對話 說等了25年終於到收成期 等待細妹的報恩~

紙婚 佢帶我去臺北玩了一個禮拜 說 這份禮物 不失禮吧

女工

一月 20, 2017

高度重複的工作 第一年包利市 好似我咁孤寒的人類 只願意給利市親戚 連我父母都冇份!

聽聞新婚第一年要包2封 雖然唔知點解 擺明cap水 不過新婚也就一個老公得一次 闊出去吧

究竟每封俾幾多 我參考了怡姐姐多年的經驗 用了「最高規格」對待大家!雙失青年 一窮二白的我 真會敗家

出錢出力呀 一早開始囤利市封 要過百封呀 又要換錢 又要入錢 仲要寫埋價錢 怕搞混了⋯⋯

當然 感覺還挺不錯的 給錢小孩 換來一聲「姨媽」天啊 不能想像:(

難得神話先生一馬當先 呵呵 恭喜你了 家用少了 減你口糧別怪我呀

枕邊語

一月 17, 2017

我問佢 為何我認識的大部分人 都貌似知道自己的天命 開足馬力 勇往直前 如何才能知道「標竿」是什麼

他們就好似火車在明確的路軌開動

我說 不工作變成了不是一個選項 而是一個難而啟齒的事情

他說 你看人好 人看你好

我說 是呀 別人看我 就說我是嶄新型號 設備完善貼心 外型討好的火車頭 

我覺得自己也是高鐵的料 不過停在軌上 前面像蜘蛛網般全是走向遠方的火車軌 不知道哪條才是我的命

他說 你只需要其中一條 不妨試試 

別人在一直行駛不代表他們得悉各自的天命 也許因為他們只能在這條道路上 不能靠站

淥親自己手指

一月 11, 2017

今日發生了輕微工業意外

汆水隻竹絲雞既時候 俾d滾水淋到右手最尾兩隻手指 好鬼辣既感覺

咁就立刻過水口水冷卻囉

少少紅 又冇咩事其實 做師奶真係無聊d

終點

十二月 22, 2016

人終有一死 我唔希望如果我死先 神話先生會靜靜坐在凳子上 書桌前 望著電腦裡面有我存在過痕跡的照片 

佢一定堅強唔流露軟弱 

但反而我係希望佢傷心一下子之後就放下我的所有 我當然是希望他永遠快樂。

乾物妻

十二月 9, 2016

作為一名宅在家的妻子 真的要有心理準備 如果熱愛做家務當然完美啦 因為呢個世界 係會不斷有灰塵吹入屋內 係會有掃不完頭髮掉在地上 係有洗不完的衣服 係有煮不完的飯菜

但我都依然認為 係應該找份hea工 收下人工 安全感多d

始終 老實講 男人對細節既野 真係唔係好睇的出 例如你日日掃地 吸塵 忽然間你去了旅行 一個禮拜後回家 感覺好似回到穴居山洞 但男主人會覺得「一切依然在軌道上」。

兩個人「感情不合」大部分都是細眉細眼事情 其實大是大非反而容易妥協 就好似佢支持特朗普你支持希拉里 若果討論到究竟條魚蒸的剛剛好還是太老 分分鐘已經開砲

返完工 大家都攰 草草食個飯 覺覺豬 又一天