終點

十二月 22, 2016

人終有一死 我唔希望如果我死先 神話先生會靜靜坐在凳子上 書桌前 望著電腦裡面有我存在過痕跡的照片 

佢一定堅強唔流露軟弱 

但反而我係希望佢傷心一下子之後就放下我的所有 我當然是希望他永遠快樂。

乾物妻

十二月 9, 2016

作為一名宅在家的妻子 真的要有心理準備 如果熱愛做家務當然完美啦 因為呢個世界 係會不斷有灰塵吹入屋內 係會有掃不完頭髮掉在地上 係有洗不完的衣服 係有煮不完的飯菜

但我都依然認為 係應該找份hea工 收下人工 安全感多d

始終 老實講 男人對細節既野 真係唔係好睇的出 例如你日日掃地 吸塵 忽然間你去了旅行 一個禮拜後回家 感覺好似回到穴居山洞 但男主人會覺得「一切依然在軌道上」。

兩個人「感情不合」大部分都是細眉細眼事情 其實大是大非反而容易妥協 就好似佢支持特朗普你支持希拉里 若果討論到究竟條魚蒸的剛剛好還是太老 分分鐘已經開砲

返完工 大家都攰 草草食個飯 覺覺豬 又一天

肉碎

十二月 8, 2016

媽媽煮了羊肉俾我 一大碗 佢話裡面大約有成2斤咁多

我打開碗蓋 係好大碗 不過肉比較細塊 我心諗 貓科動物一定嫌棄不夠蛋白質了 

我媽媽開頭還叫我分開2-3餐食 結果一餐就KO曬

煮了個合掌瓜玉米螺片湯 好清甜好好味 咕嚕嚕就飲了兩大碗 

為了滿足這隻大貓 我整了叉燒 都未開始食 佢就話得咁少唔夠食嘎 我就堅決唔添食 怕飽死左隻貓

發夢

十二月 2, 2016

我好少發夢 睡覺的時候就好似掉進了一個黑洞 醒來就是一片光

但我成日發白日夢 我會將生活中不能如意 不能出現的情景 在自己灰色細胞內 仔細構建

在構建的情景內 我會因應可能發生的錯誤 修正我的行動 或措辭 再三給自己機會改進 現實是那麼的殘酷

我會幻想 我有一個夢寐以求的烤箱 一個略大的廚房 我收納了應有盡有的調味料 我宴客 拎出酒杯 倒出甜餐酒 擺出頭盤 大家聊聊天 開玩笑 然後我端出烤肋排 有菠菜芝士 有薄餅 甜點係紫蘇雪芭 上現煮咖啡 屋子暖 木地板 大家坐地下 我地一圈人玩個撲克遊戲什麼的 

我會說 欸 知道嗎 夢醒了就開始努力吧

7年之癢

十一月 30, 2016

聽聞呢類事件發生機會率非常之高

其實又未必一定係7年 可能5年、6年都已經醞釀中 到第七年終於忍唔住爆發 就好似屙肚搵廁所要忍屎 開頭間中痛下以為過一陣好高d 打算返屋企先再暢快淋漓 忽略 點知絞肚痛殺到 係大商場又人頭湧湧 廁所大排長龍 大汗疊細汗 要堅持收緊括約肌 呢種感覺好差

差不多一年啦 如果7年之癢要來 我還有6年時間好好敷mask 幸好未過40 再進修來得及吧

放風

十一月 28, 2016

好耐沒有逛街 尋日特登帶我去大埔打個白鴿轉 原來大埔係超多人嘎 超級城果個位人多到唔可以拖手行 食左個幾好味既街市茶檔 但唔知點解 食完我地兩個都要屙屎 

呢排一田大減價 人人都買旅行箱、鑄鐵鍋,羽絨被。我咩都唔缺 冇機會使錢 兩個人只係行了一陣就開始想返屋企 簡單食個輕便晚餐 又一天

飽暖思床褥

十一月 27, 2016

如字面意義

呢位先生 成日放工一入門口就大叫 好肚餓好肚餓好肚餓 然後坐定定 拎住條微微沾溼的抹手布 等飯菜送上 

食飽飽後 開始打喊露 開啟睡眠模式 彎彎曲曲攤在沙發上 蓋著小毛毯 一邊嘴說 唔可以瞓會肥嘎 一邊調整枕頭位置 呼呼呼呼了

其實係唔係我的烹調方式產生了安眠藥 點解佢食完會咁眼瞓Zzz